Der erste Alte
| (1ra)
von dem schowenden leben
Es ist vil besser
und núczer daz
der mensche lere sich selber erken
nen denne daz er wiszen wil der
hymel loͤffe . der kruͤter craft . der
edeln gestain wuͤrken . der tier
natur . der menschen sitten
wise tuͦn und loͮn aller
dinge . sache kuͤnen und wissen
wil ⸿ Und himelrich und ert
rich wise er spuͤren wil wan
vil menschen wissent noch er
kennent sich nit ⸿ Und doch selber sich er
kennen und wissen ist der hoͤhsten
kuͤnste aine die dem menschen
zuͦ gehoͤrent ist nach dem ewi
gen leben ze stellent Wan ez spr
icht
Cassio dorus
~ͤuber den
psalmen Miserere mei deus (etc.)
So ist der groͤst nucze ainem
diener gottes erkennen sin aigen
diener gottes erkennen sin aigen
krankait und in sinen naturlichen
creften und verdienen kain zuͦ
versiht han won in dem menschen
wahset gottes craft daͮ der
mensche im selber abe gaͮt in
natúrlicher craft und sich selber
vindet unmehtig in allen dingen
wider gott daz sprichet der
Sant
Gregorius
sprichet in siner
lere ⸿ Als vil minder der mensch
sich selber ansiht als vil minder
er im selber missvallet und als
er me enpfindet dez liehtes goͤt
licher gnaͤden als vil und me
bas und ie basz lert er
| (1rb)
sich selber straffen und erkennen daz
der dem gelich sprichet
Sant Bern
hardus
an ainer predige úber der
minne buͦch Ich waisz wol daz
nieman mag behalten werden
aͮn sin selbs erkennen wan sich selber
erkennen ist ain muͦter dez hailes
und
der
diemuͤtikait ain erbaͤrmde goͤt
licher vorht und ain anevang
alles geluͤckes daz der sprichet . Wilt
du dich selber wol er=kennen so merke
wol ob alle ding diner werke fuͦg
lich sin ob sú zimlich sin ob sú
núcz oder guͦt sient ob sú dir lonber
sient ob sú dir vor der welt út
ergerlich sient ob sú gott genaͤme
werd und liep von dir sient
ob sú gott erlichen und loblichen
sient ob sú dinem naͤhsten hilf
lich und loblich
und
nuczlich sient
gaistlich und liplich so hest du
ain guͦt erkennen ⸿ Der erste
alte wiset dich minnende sele
noch uf ain edlers und ain
bessers denne du selber bist und
druket dir in din gemuͤte daz
die hailig drivaͤltikait gespro
chen haͮt in dem ersten buͦch Moyse
Also wir sollen machen ainen men
schen naͮch unserm bilde Und naͮch
unser glichnúste der vor sie den
vischen in dem mere den vogeln
in den lúften und den tieren
uf erde und allen creaturen ⸿ Da
bi wirst du minnende sele gelert
daz unser herre den menschen ge
bildet hett nach dem aller besten
| (1va)
daz ieman betrahten und gedenken
kan daz ist nach im selber allain ⸿ Und
merke hette gott út bessers in im
selber gehept denne sich selber er hette
úns och dar nach geschaffen und
noch edler gemachet ⸿ Got het
och dem menschen vollen gewalt
verlúhen ~ͤuber alle ander creaturen und
als gott allain ist herre ~ͤuber den
menschen also ist der mensche herre
~ͤuber alle ander creaturen ⸿ Wer ist nun
der nach des bilde und gelichnússe
der mensche geformet ist antw
urt dar uͤber
origenes
uͤber moyses
buͦch und spricht ez ist unser herre
j
esus
Cristus der der erst aingeborne
sune ist dez ewigen vatters in himel
rich von dem
Sant Paulus
ge
schriben het in siner epistel ainer
und sprichet er ist ain glast der
eren und ain figur goͤtlicher sub
stanci der da treit in im alle ding
in dem wort der warhait der da
sprichet der mich siht der sihet minen
vatter . als der da siht ain ander
bilde . der siht den dez daz bilde ist
⸿ Also der daz ewig wort siht der
siht den vatter
usz dem daz wort
flúszet ⸿ Und dar umb ist daz
wort mensche worden daz wir
im zwivalticlich gelich wurdin
ain=es nach dem goͤtlichen bilde
daz ander nach der enpfangnen
menscheit dar inne er sich nach
úns gebildet und gelichet het
| (1vb)
Dis sprichet alles
Origens
Nu ker dich du minnende
sele uf daz bilde dines usz=flu
sses daz du nach goͤtlichem bilde
gemachet bist und welle dich
das nit in dir selber zuͦ gotte
raiczen waz du gewesen siest
waz du nun bist waz du werden
solt und och maht so laus dich
des zuͦ got reiczen daz du nach
goͤtlichem bilde geformet bist
als ain beschaiden und vernúftig
creature die forme dir mit ~ͤuber
naturlicher craft in gedruket
Und in friem willen us gespro
chen ist als
Sanctus Jacobus
sprichet in siner epistel ⸿ Er het
uns willecliche geborn mit
dem wort der waͮrhait daz wir
wurden etwaz beginnen siner
creature sprichet
Sant Jacobus
in siner epistel da von redet
anshelmus
in siner lere herre
ich danke dir der gnade daz du
in mir geschaffen hest din bilde
Und wenne ich dich betrahte
daz denne ich allain gedenke an
dich . Und dich allain minne
daz du mich dir gelich gemachet
hest ⸿ Wan hon ich joch din bil
de in mir vertilget mit minen
súnden so
kanst
du es wol wider
bringen mit diner gnad daz spr
ichet der ⸿ Wie aber gott sin
adelkait und sin adelich bilde der
| (2ra)
der gewaltigen bilde und ge
beneditten drivaͤltikait be
sunder in die sele gegossen
und besunder in dem lip gefor
met het Daz sol ain ieclichú
claru sele in sich druken und
erkennen daz sú dester
neher in gott gezogen werde
mit goͤtlicher gelichnússe und
dar inne ver=ainet als uns
hugo
bewiset in dem buͦche
von den súben sacramenten
und
sprichet also Der ewig vatter
ist von niemant der sun ist von
dem vatter der hailig gaiste
ist von in baiden also ist die
drivaͤltikait sunder gegossen in
die sele ⸿ Wan der muͦt der da
haisset die gehuͤgde ist von
im selber die vernunft ist von
dem muͦt Und die froͮde ist
von muͦt und von vernunfte
und die drú sint ain sele also
vatter
sun und hailig
gaist ain got sint also ist
min menschen lip drivaltikait
⸿ Wan
die
figur ist von ir selber
dar usz koment forme und
usz figur und forme komet
dez bildes schoͤni und die drú
sint ain lip also ist in gedru
ket der hailgen drivaͤltikait
bilde sunder in sele und sunder
in lip daz doch allen andren
creaturen underzogen und froͤm
de ist Dis sprichet
hugo (etc.)
Augustinus
sprichet von der
| (2rb)
drivaͤltikait Gedenknússe ver
nufft und wille sint
ains
dar
umb daz sú ain sele sint und ain
lip und ain wesen machent daz
der Der das wesen und die bil
dung die gotte also in die sele
gedruket het . wol verstaͮt der
mag an goͤtlicher bekantnússe
niemmer verirren sprichet
Rich
ardus
an sinem buͦch von der
drivaͤltikait ⸿ Ach du geminnte
sele wie gar edel daz ze betrahtent
ist Dar nach der mensch geformet
und gebildet ist wan daz ist daz
aller beste daz kain hercze betrahten
kan Ob dich aber dis nit zuͦ gotte
raiczet oder zúhet so wiset dich
doch der erst alte ⸿ Uf die ge
zierde und schoͤni aller creaturen
wie gar lustig die got allú ge
schoͤpfet und gemachet het allain
durch des menschen willen nucze
narung trost und notdurft
daͮ von hon sol von allen waszern
rainkait ze-súbern ze kochent
ze vischent und ze vil andern
sachen . Und von dem ertriche so
hest du gras bluͦmen boͮme und
aller laÿge fruht . korn wine vihe
flaische und aͮn zal vil ander
nucze ⸿ Von den bergen so hest
du ÿsen kupfer plÿ gold silber
edel gestain und gar vil anders
rates . Von dem luft hest du winde
regen vogel haiter und das
dar zuͦ hoͤret . Von dem himel
hest du sunnen Mone gestirne
| (2va)
lieht tage und naht . Von dem
fúr hest du hicze werme lieht und
vil ander notdurft . Von den eng
eln hest du ler wisung huͦte raͮt
hilfe botschaft und dienst als
Sant Gregorius
sprichet sú sint die
ner der menschen und hand gr
oszen flisze fúr úns daz der Dis
alles bewiset
Dauvit
in dem salter
und sprichet herre du hest den
menschen geseczet uͤber alle dinú
werk und hest im
all
creaturen
undertaͮn gemaht Es sprichet och
die glose úber Josues buͦch das
alle creaturen den súnder hessig sint
aber dem guͦten menschen dienent
si nach billicher zimlichait dis sol
dich minnende sele alle stunde
tragen in got won ez got alles
durch dinen willen geschepfet
hett ⸿ So maht du die creaturen
unendlich nuczen nach dinem ewi
gen verderben oder aber wol niessen
nach dinem ewigen verdienen . Won
ez sprichet
Dyonisius
von der en
gelischen Jerachie daz sich die
creaturen zuͦ got aller nehst fuͤgent
und och fuͤgen soͤllent die von
gott aller maist gaben hant en
pfangen aber nieman
haͮt
von
got alz vil enpfangen als der
mensche und dar umb ist er
got aller maist dienst schuldig
ze tuͦnd daz der ⸿ Nu merke du
minnende sele sprichet
Sant augustinus
úber
Johannes
Ewangelium
wie
gar milt dir got ist daz er
| (2vb)
dir alle creaturen vergeben ze dienst
genaiget hett zuͦ uffenthalt
zuͦ narunge ze spise
ze gelust ze trost ze kestegunge
ze bessrunge noch du kain dinge
betrahten kanst goͤtlich wisz
hait hab dich in creaturlicher ge
schoͤpfte herlich und wol ver
sehen daz du dar inne vinden
maht naͮch allem lust wes du
begerst . Wan in der lengrung der
creaturen vindest du gott al
maͤhtig ⸿ In der groͤsun der
creaturen
vindest du gott alz ain ewig
sach ⸿ In der ordnung der creaturen
vindest du gott in aller wiszhait
In der
uszrihtung der creaturen
vindest du gott guͤtig und
wie du wilt so begegent er
dir in allen creaturen nach dem
aller besten daz spricht der Das
lere ich alles erste
alte
dich
minnende sele . volgest du mir
daz du dis alles ze herczen leist
und dar usz lebest so maht
du den guldin Trone mit dem
ewigen crone wol erwerben